Специјалната јавна обвинителка, Катица Јанева на новинарско прашање дали има предистражна постапка против државниот обвинител Марко Зврлевски кој во бомбите се слуша дека си ја знаел работатат и стопирал пријави, кажа дека има предмети за сите лица.
– Има предмети за сите лица, сите се еднакви пред законот, не можам да кажам дали за господинот Марко ќе има преистражна постапка, рече таа.
– Што се однесува до поканата на Светот на јавни обвинители и Собранието, јавно кажувам дека немам намера да одам, мислам дека е мал извештај за мал период, нема потреба да образлагалм нешто посебно, бидејќи содржи се што е потребно, Доколку почитуваниот Совет и Собрание имаат забележки ќе ги вклучиме во идниот извештај кој почнавме да го работиме, одговори Јанева.
Таа на прашање за нејзината имотна состојба одговори дека поседува два стана.
– Што се однесува до моите станови сакам да кажам дека имам два стана на моите деца кои се купени со мојот сопруг кој сега е починат, во заедникиот имот. Имам уште имот, од моите родители и уште не сум наследила ништо, мојот имот уште ќе се зголемува, но на сметка на моите родители и мојата работа, на овие десет прсти, одговори Јанева.
Таа најави и дека „Титаник“ ќе се проширува со нови пријави.
– Што се однесува до „Титаник“ ќе следи проширување на истрагата, и не се плашам од судот дали ќе го прифати обвинението, тоа ќе биде посебна борба, но имаме намера да прошириме за други лица во „Титаник“, рече Катица Јанева.