(ВИДЕО) Јанчева: Шест месеци Данела Арсовска ги мина во неработење, не реализираше ниту еден проект, ниту едно ветување

Од:

Координаторката на советничката група на СДСМ и коалицијата во Град Скопје, Љубица Јанчева, вели дека градоначалничката Данела Арсовска за шест месеци не реализирала ниту еден проект.

„Градоначалничката од ВМРО-ДПМНЕ, Данела Арсовска денеска не се појави на седницата на Советот на која требаше да поставуваме советнички прашања, иако беше уредно поканета.

Ваквиот однос потсетува на односот на ВМРО-ДПМНЕ од режимските времиња и јасно ја потврдува причината, а тоа е неработата на Арсовска.

Цели шест месеци од мандатот, Арсовска ги мина во неработење, не реализираше ниту еден проект па оттаму не е изненадување што Арсовска денеска не се појави пред советниците.

Половина година Данела Аросвска не реализираше ниту едно ветување дадено пред граѓаните.

Нема нови 250 автобуси, нема бесплатен јавен превоз, ги нема ниту ветените нови паркови, постојано никнуваат диви депонии кои не се чистат, а градот никогаш не бил повалкан.

Бројни важни проекти започнати од претходната градска администрација како што е Бас рапид транзит, мостовите во општините Аеродром и Карпош, улиците Есенинова и Васко Карангевски веќе одамна требаше да бидат завршени.

Но затоа Арсовска Градот Скопје и раководствата на јавните претпријатиа и установи и наполни со партиски кадри на ВМРО-ДПМНЕ.

Во време на глобална економска криза, наместо да понуди проекти за помош на граѓаните, таа три месеци го барала споменикот на Ќосето кој беше нелегално поставен од режимот на ВМРО-ДПМНЕ.

Колку Арсовска е способна да менаџира со Градот, најдобро говори фактот што за само шест месеци дури двајца директори на Јавни претпријатија си заминаа од функциите.

Граѓаните на дело ја гледаат неспособноста на Арсовска и ВМРО-ДПМНЕ. Затоа таа денеска не се појави пред советниците.

Со ваквото неработење, со ваквиот однос кон граѓаните и градот Арсовска се докажува како најнеуспешен градоначалник на Град Скопје“, вели Јанчева.

Би можело да ве интересира

(ВИДЕО): Производителот „Баер“ испитува зошто со нивното средство против комарци нè прскаат од воздух, спротивно од дозволата за употреба

Петар Клинчарски

Жичарницата и автобусите до Водно, времено нема да бидат во функција

А1он

Од утре делумна забрана за движење во парк-шумата „Водно“ и во паркот на природата „Гази Баба“

А1он

ВИДЕО: Нè прскаат со средство против комарци кое е забрането за од воздух

Петар Клинчарски

Објавен јавниот повик за субвенции за набавка на инвертери, аплицирајте онлајн

Ана Ололовска

Во понеделник ќе биде објавен јавниот повик за субвенции за инвертер клима уреди – аплицирањето ќе биде онлајн

Ана Ололовска