Ништо не не плаши Никола. Тука сме и по дожд и по грмотевици да си ја земеме државата во свои раце. Јас сум зборувала на многу настани, вечерва е посебна моја чест да се обратам пред вас и длабоко ви се поклонувам затоа што три месеци сме по улица, затоа што година ипол маршираме по улиците да не слушне некој, да не чуе и да направи нешто, ако не сам, ние ќе го сториме тоа заедно, рече пред демонстрантите поранешната пратеничка Цветанка Иванова.
– Вечерва испраќаме јасна порака дека ништо нема да не спречи. Уште една порака до Уставниот суд, да престане да биде продолжена рака на владата, меѓутоа не можеме сите да ги ставиме под знак на равенство, барам голем аплауз за оние уставни судии кои се одважуваат да се борат против диктатурата, рече Иванова.