Претседателот на ВМРО-ДПМНЕ, Никола Груевски вечерва во Таринци, општина Карбинци потенцираше дека дека таму во 2006 година имало 280 вработени, а на крајот на 2016. имало 55о вработени.
– Нашата основна цел во изминатиот период беше отворање на нови работни места, така ќе продолжиме и во иднина. Како што носевме фабрики, така ако успееме, а јас сум убеден дека ќе успееме да победиме и во Карбинци и во Штип. Таму имаме изградено наши капацитети човечки кои што знаат да носат инвеститори. И тие луѓе кои што во минатото работеа за Владата, за државата и носеа инвеститори во цела земја ќе насочат инвеститорите овде во Штип, во Карбинци. Тука да се отвораат нови работни места, рече Груевски.
Тој вети обезбедување на бесплатен и здрав оброк за учениците од прво до петто одделение.
– Општина Карбинци и Зоран Минов ќе овозможат можности за граѓаните за стекнување на сопствен дом. По симболична почетна цена од само 1 евро од метар квадратен на земјиштето и ќе ги укинеме или драстично намалиме комуналиите, рече Груевски.
