Здружението за заштита на спомениците, кое се појави ден по по колумната на Љубомир Фрчковски во „Фокус“ денеска отидоа на факултетот за да му однесат француски клуч „за да ги размонтира спомениците“.
Од непознатото досега здружение кажаа дека му го доставиле клучот и останува на Фрчковски да одлучи дали ќе се извини пред граѓаните или ќе го употреби за размонтирање на спомениците.
Фрчковски во колумната во Фокус напиша:
„Ако ДУИ сепак позитивно изненади и излезе од Владата тогаш треба да се подготви ново владејачко мнозинство, а не техничка влада. Имено, тоа мнозинство би имало 64 пратеници (еден повеќе од сегашното) и би било сериозно стабилно за целосно владеење до крајот на овој владин мандат. Нема потреба од брзање или чувство на нелегитимност. Можноста ДПМНЕ да улови мал раст на рејтингот со тоа што ќе биде демек симнат од ДУИ не може да се мери ниту од далеку си крадењето на 100.000 гласови кога ДПМНЕ ги организира изборите. Дополнително ќе му се оневозможи заплашување на администрацијата (30-ина илјади гласови). Тоа значи дека ДПМНЕ ќе си дојде на вистинската мерка. Се е подобро од уште едни избори организирани од ДПМНЕ (посебно вонредни какви што планира во ноември). А потоа, ааа потоа! Ќе ни остане една концептуална уметничка акција, сите со француските клучеви и растурај тоа спомениците“.