Кој на кого ќе му скрши прст и кој не смее да покажува прст. Ова е дел од репликата помеѓу пратеникот Димитар Апасиев од Левица и претседателот на Собранието, Талат Џафери.
Апасиев при процедуралното обраќање побара од Џафери да не мафта и да не го кара со прстот.
-Прв и последен пат да ви биде со прст да ме карате, зошто не сум ви дојден дома. Вие сте прв меѓу еднаквите, не треба да го узурпирате столчето. Ако имате реплика, ќе си земете како што сите си земаме сите збор, ќе си кликнете на копчето и ќе си дојдете тука, или можете од место, рече Апасиев.
А кој си ти да ми покажуваш со прст. Ајде збори што имаш, не ми мафтај со рака, возврати Џафери.
Прв и последен пат да ти биде да ми мафташ со прст, повторно Апасиев.
Не мафтај со прст да не ти биде скршен тој прст, ајде, рече Џафери и го исклучи микрофонот.