Тежок инцидент се случи денеска во Штип по натпреварот на младинските екипи (генерација 2009-2010) на „Брегалница“ и „Шкупи“ од Чаир. До инцидентот дошло кога родители на децата од гостинскиот клуб влегле во теренот и почнале да ги тепаат играчите на „Брегалница“. Две деца се тешко повредени, од кои едното има скршена нога, а другото повреди на главата. Инцидентот се случи при резултат 2:1 во корист на „Брегалница“.
43-годишен родител на фудбалер од скопскиот фудбалски тим „Шкупи“ физички нападнал и повредил два малолетни фудбалери на „Брегалница“ за време на одигрување на фудбалски натпревар помеѓу младинските екипи на двата тима одигран на игралиштето „Бело Брдо“ во Штип, велат од Министерството за внатрешни работи.
– Известен е јавен обвинител и се преземаат мерки за целосно расчистување на настанот, по што ќе бидат поднесени соодветни пријави, велат од МВР.
