Четири лица се приведени по нарушување на јавниот ред и мир со физичка пресметка во Кочани, соопшти Министерството за внатрешни работи.
Вчера (15.08.2026) во 19:15 часот, полициски службеници од Полициската станица Кочани ги привеле Ж.В. (22), Ј.В. (19) и М.В. (47), сите од Кочани, како и И.А. (46) од село Баница, Струмичко.
Според МВР, по претходна расправија на улицата „Тодосија Паунов“ во Кочани, лицата го нарушиле јавниот ред и мир со физичка пресметка во која учествувале вкупно шест лица.
По преземените мерки и целосното документирање на настанот, против приведените биле поднесени соодветни поднесоци.
Од МВР информираат дека за целосно расчистување на случајот, утврдување на сите околности, како и евентуални пропусти при постапувањето, ќе бидат вклучени Одделот за внатрешна контрола, криминалистички истраги и професионални стандарди и Одделот за униформирана полиција.