Министерството за правда ќе купува мебел. По новата барокна фасада министерството објави тендер за набавка, изработка и монтажа на канцелариски мебел.
Проценетата вредност на тендерот е 2.203.390 денари без вклучен ДДВ или околу 36.000 евра.
Зградата на министерството за правда неодамна доби нов изглед во барок. Црвена фасада, бели столбови, алуминиумски прозорци искомбинирани со златна „Јустиција“, божицата на правдата е новиот изглед на министерството кое наиде на потсмев кај граѓаните но и на социјалните мрежи.
Дел од коментарите на социјалните мрежи беа дека мора да престане уништувањето на Скопје со кич фасади и пластични реплики.
Рефасадирањето на зградите во центарот на градот во барок е во полн ек. Власата веќе подолго време го менува изгледот на Скопје.
Вакава појава на реплики од минатото забележани се во некои делови на Кина.
ББС неодамна објави текст за кинеската верзија на Венеција, на белата куќа па и на Стоунхенџ.
Дел од странските медиуми кои го анализираа проектот на власта „Скопје 2014“ го опишаа како новиот Дизниленд.