Сообраќајот претставува значаен и секојдневен дел од животот во нашиот град. Организиран сообраќај и ефикасен сообраќаен ред, претставува императив за секоја одговорна локална власт и за секој посветен Градоначалник, рече Менде Динески, кандидат за градоначалник од СДСМ.
За жал, Битола од ден на ден е во се поголем сообраќаен хаос, заради ненавременото и несоодветно планирање и примена на сообраќајните правила и принципи.
Ги нема ветените паркинг места во катни и подземни гаражи кои Талески помпезно ги најавуваше.
Денес, од ветувањата на Талевски останаа само спомените за исечените липите од улицата Борис Кидриќ, оправданиот гнев на граѓаните од обидите за изградба на катна гаража во нивниот двор.
Ова е вистинската слика за неспособноста и немањето на визија на актуелната локална власт.
