Овие денови најактуелна тема е кој го бранеше, а кој го рушеше Уставот. Не случајно ние од ОМ како вмровска опција зборувавме за рецидивите од „груевизмот“, за проблемите кои ќе се случуваат ако тој не замине од политичката сцена. За да ја спаси сопствената кожа беше спремен да предизвика војна во Македонија, заканувајќи се од позиција на избришан политичар, уште правеше напори да се извлече од живата песок.
„Сега успеа да го подели македонскиот народ, да се случи 27 април и да ги убедува граѓаните дека тие што влегле внатре го штителе Уставот, а тие кои беа во парламентот се против Уставот“.
Ова го кажа Љубе Бошкоски на отворањето на новиот штаб на Обединети за Македонија во Крива Паланка.
Тој истиот Никола Груевски во неговиот последен обид за спасување беше спремен да не втурне во граѓанска војна, а сега му остана само повторно да ги фаќа граѓаните на сентимент дека демек ќе дадел оставка од позицијата на ВМРО-ДПМНЕ. Сега треба сите да не фати патетика зошто ќе не напуштел.
Тој заминува како криминалец, како штеточина, и тој сигурно ќе се лежи, зошто многу зло нанесе, рече Бошкоски од Крива Паланка.