(ВИДЕО) Богоев: Избирачкиот список не е прочистен!

Од:

Денеска дојдовме да направиме увид во избирачкиот список, овде, во подрачната единица на Државната изборна комисија во Центар. Меѓутоа, како што регистрираа и камерите, тоа не беше дозволено. Односно беше дозволено само индивидуално да се провери, со конкретен матичен број и податоци за одредена личност. Не беше дозволен целосен увид во избирачкиот список, што не треба да биде така според изборниот законик, рече Стефан Богоев. 

 
Очигледно е дека се прават обиди да се сокрие хаосот што се случува во избирачкиот список.
 
И по вчерашната седница на ДИК, избирачкиот список останува полн со фантомски гласачи, останува полн со недоследности, со нецелосни документации и податоци за граѓаните. 
 
Имаме и дел конкретни податоци кои што велат дека 139.438 граѓани се без адреса, односно без валидна лична карта, а се останати во избирачкиот список.
 
18.269 лица коишто воопшто не им се пронајдени апликациите, односно барањата за лични карти во МВР, исто така се останати во избирачкиот список.
 
5.420 гласачи од Пустец, се уште по наши информации од Државната изборна комисија се останати во избирачкиот список.
 
Сето ова е уште една потврда дека еден од клучните услови за фер и регуларни избори не е исполнет, односно избирачкиот список воопшто не е прочистен. 
 
Повторуваме, дека единствено, прочистен избирачки список, фер регулација кај медиумите и одвојување на партијата од државата, се услови за да се овозможат фер и регуларни избори.

Би можело да ве интересира

СДСМ: Во вториот круг се бориме за 17 места, граѓаните масовно да излезат на гласање

СДСМ: ВМРО-ДПМНЕ би имале 52 пратеници а СДСМ 21, изгубија 140.000 гласови и попусто лажат со весели математики

ВМР0-ДПМНЕ: Ако утре има парламентарните избори, ќе освоиме над 60 пратеници, а СДСМ би била во некои изборни единици трета партија

ВМРО-ДПМНЕ: Освоивме 550 советнички места, повеќе за 82 од минатите локални избори, а СДС освои само 230 советника, што е помалку за 166

ДИК: ВМРО-ДПМНЕ води во 55 општини, СДСМ, Вреди и НАИ во 7

(ВИДЕО) Димитријевиќ: СДСМ води и очекува победа во: Центар, Крива Паланка, Пробиштип, Чучер Сандево, Кривогаштани, Богданци

Горан Наумовски