Бугарија со внимание следи кога ќе стартува процесот на уставни измени и очекува Бугарите бидат впишани како рамноправен народ со другите народи во Македонија.
На прес-конференцијата во бугарското министерство за надворешни работи, директорката на Дирекцијата на Југоисточна Европа во БНР, Вања Андреева-Малакова истакна дека во фокусот на надворешната политика на Бугарија се заштитата на правата на Бугарите во Македонија, Косово и Албанија, уставните промени во македонското Собрание и имплементацијата на препораките од заедничката Комисија за историски и образовни прашања.
– По прашањето за законодавството во Македонија, следиме со внимание кога ќе стартува процесот на промена на уставот во Собрнанието. Откако ќе се впишат Бугарите како рамноправни со другите народи во Македонија, ќе биде неопходно да биде усогласено целото законодавство кое го регулира тоа прашање и тоа е предвидено со протоколот од јули 2022.
Што се однесува до нашата контрола на кој начин се исполнуваат резултатите од работата на Комисијата треба да се каже дека Владите ги одобруваат препораките на Комисијата. Тоа се прави со протоколите кои ги потпишавме, таму роковиѕе се многуи прецизни. Препораките на Комисијата треба да бидат имплементирани за две години. Оние препораки кои беа објавени минатото лето да бидат исполнети до учебната 2024/2025 година, односно согласно динамиката на промена на учебниците – рече Андреева-Малкова.