Коалициониот партнер на ВМРО-ДПМНЕ, Амди Бајрам сакајќи да ја омаловажи заменик-претседателката на СДСМ, Радмила Шекеринска ги навреди сите Роми.
Според него, понижувачки е што Шекеринска била посматрач на претходните избори на избирачко место во Шуто Оризари.
Лидерот на ПЦЕР, Самка Ибраимовски за А1он вели дека ова е навреда и за Ромите и за Радмила Шекеринска.
– Тоа го вели човекот кој нема ни основно образование, човекот кој ја стави Ромската заедница на ниско скалило. Ние очекуваме промени во Шуто Оризари, граѓаните овојпат ќе ја дадат довербата на СДСМ и коалицијата. Радмила Шекеринска е одличен политичар и добар стратег, таа многу се залага за ромската заедница, вели Ибраимовски за А1он.
Ова не е првпат Амди Бајрам да застане во одбрана на владејачката партија и да ги омаловажи Ромите. Тој ја одбрани власта, велејќи дека зборот „циган“ кој се слуша во „бомбите“ на опозицијата не е навреда за Ромите.
Александар Тодески