Пратеникот Амди Бајрам од Сојузот на Ромите рече дека доволно време малите партии биле во сенка на големите и дека како што рече време било да се стави крај на ситацијата во која за едни државата е мајка, за други маќеа, на дебатата за промена на изборниот модел од шест на една изборна едница.
„Не може за крупните работи во државата да одлучуваат само големите партии, време е да се крене гласот на помалите. И ние придонесуваме во оваа држава и ние гласаме и сите го сочинуваме овој Парламент, сите преку гласање учествуваме и во формирање на владата. Не може за едни оваа држава да биде и мајка и татко, за други маќеа и очув. Гледаме дека лидерот и Премиерот на СДСМ не почитува и дојде и фала му, другите избегаа зашто се плашат од ова. Страв им е да не се донесе некоја одлука, која не им е во интерес, рече Бајрам.