Лидерот на ДУИ, Али Ахмети, прогласи победа со освоени над 100.000 гласови на предвремените парламентарни избори.
Press BDI-Kryetari Ali Ahmeti
Posted by Bashkimi Demokratik për Integrim – BDI on Среда, 15 јули 2020
„Орелот се врати. Оваа победа на ДУИ е победа на Албанците и со таа победа нема да изгуби ниту еден Албанец. Ние се докажавме дека сме најуспешните во сите сфери и така ќе биде и понатаму. Албанците нема да бидат разочарани од нас. Ние обезбедивме над 100 илјади гласови, 12 мандати, а се очекува уште еден 13-ти. Благодарен сум што имав можност да ја соопштам оваа најдобра вест за Албанците и апсолутна победа“, изјави Ахмети пред партиското седиште на ДУИ во Мала Речица.
Според него, ДУИ има најдобри резултати во изборните единици 1, 2, 5 и 6.
Ахмети од говорницата се обрати само на албански јазик, а неговиот говор постојано беше прекинуван од активистите кои еуфорично го скандираа неговото име.
На прес конференцијата присутни беа бројни симпатизери и функционери од партијата кои веќе започнаа со славење.
Насобраните активисти се фатија за оро веднаш по говорот на Ахмети.