ВИДЕО: 60.000 на концертот на Цеца во Струмица

Од:

Игла немаше каде да падне синоќа на плоштадот во Струмица. Беше претесен да ги собере сите кои сакаа одблиску да го следат настапот на балкaнската фолк ѕвезда, Светлана Ражнатовиќ-Цеца.
Од општината велат дека 60 илјади луѓе се собрале на плоштадот, а неофицијално овој број изнесува 80 илјади.
Освен домашните, за Цеца дојдоа посетители од цела Македонија, но и од соседните Бугарија и Грција.
Толку народ на едно место и од сите генерации досега Струмица не памети.
Пред настапот фолк ѕвездата се сретна со градоначалникот на Струмица Зоран Заев и неговата сопруга Зорица. Заев не го криеше задоволството од присуството на балканската фолк ѕвезда, а таа му посака да стане премиер.

Цеца пееше цели два часа, а пееја и играа и посетителите. Се точеше пиво и се јадеше скара до раните утрински часови. Тоа беше журка која уште долго ќе се прераскажува.
Настапот на Цеца е во рамките на манифестацијата Струмица опен фестивал, која за прв пат се одржува во Струмица.
Во музичкиот дел настапија и Харос Џиновиќ, Прљаво казалиште и голем број домашни пејачи од забавната и народната музика.
Фестивалот почна на 13 август, а ќе заврши утре. Освен музичкиот дел, на повеќе локации во градот се одржуваат ликовни колонии, театарскипретстави, филмски проекции и вечери на поезијата.

Сузана Тасева

Би можело да ве интересира

Започнува Меѓународниот филмски фестивал ВачАут (WatchОut) во Тетово

Невремето предизвика големи штети во струмичко

Во Струмица се урива незаконски поставената урбана опрема и на објекти подигнати на јавни површини

Горан Наумовски

Мртов матурант е пронајден во близина на склад за дрва во Струмица

Горан Наумовски

СДСМ одржал партиски состанок во училиште во Струмица, обвинува ВМРО-ДПМНЕ

Поради лоши услови, АХВ времено го затвори струмичкиот стационар за кучиња „Лана“