Во Македонија денеска претпладне ќе биде сончево со умерена облачност, а во јужните делови кон крајот на денот и во вечерните часови ќе има услови за провејување на слаб снег. Ќе дува слаб ветер од јужен правец.
Утринската температура ќе се движи од минус 15 до минус 4, а дневната од минус 2 до 4 степени.
Во Скопје слично време со зголемена облачност попладне и кон крајот на денот. Утринската температура ќе се спушти до минус 9, а дневната ќе достигне до еден степен.
До среда ќе се задржи претежно стабилно и суво време, а во среда кон крајот на денот и во четврток се очекуваат локални врнежи од дожд и снег. Утринските температури и натаму ќе бидат под нулата.