Пороен дожд проследен со засилен ветер и пад на температурите за десетина степени, најавува за вечер и утре Управата за хидрометеоролошки работи.
Влажната и нестабилна воздушна маса од Медитеранот што ќе ја зафати Македонија ќе предизвика изобилни врнежи од дожд кои наместа ќе бидат и над 30 литри на метар квадратен, особено во западните и југозападните делови од земјата. Ќе дува умерен, а повремено и засилен југоисточен ветер. Метеоролозите предупредуваат и на можна појава на град.
Утре ќе има и значителен пад на температурите. Се очекува максималната температура да достигне до 22 степена.
Врнежите од дожд ќе продолжат и в петок, но со послаб интензитет.
Од викендот следува период на стабилно и потопло време.