Денеска во Македонија ќе биде сончево со мала до умерена облачност. Утрово ќе има услови за провејување на слаб снег во западните и северозападните делови, додека преку денот облачноста ќе се намалува. Ќе дува повремено засилен северозападен ветер на југоистокот.
Утринските температури ќе се движат од -2 до 4 степени, додека дневните ќе се искачат од 3 до 10 степени.
Во главниот град ќе биде сончево со мала до умерена облачност. Ќе дува слаб до умерен северозападен ветер, а утринската температура ќе се спушти до 1 степен, додека дневната ќе се искачи до шест.
Од утре следува променливо и не многу студено време со слаб до умерен јужен ветер. Температурите ќе бидат во благ пораст, а поголемо наоблачување со слаб дожд во западните делови ќе има во среда кон четврток. Поинтензивни врнежи се очекуваат за време на следниот викенд.