Утрово најладно во Македонија било во Берово со измерена температура од -4 степени, соопшти Управата за Хидрометеоролошки работи.
Минус два степени се измерени во Скопје-Петровец, Битола, Лазарополе и Струмица, минус еден во Куманово, Тетово, Крива Паланка, Маврово и Демир Капија, нула во Прилеп, Штип, Дебар и Гевгелија, еден степен во Скопје, два во Охрид, Крушево, Претор и Тополчани, три во Виница, четири во Пожаране и Ѓуриште, до пет во Дојран.
Магла имало по котлините во Скопје, Штип, Демир Капија, Струмица, Куманово и во битолскиот регион.
Во текот на денот времето ќе биде сончево со мала до умерена локална облачност. Преку денот ќе дува слаб до умерен југоисточен ветер, поизразен долж Повардарието. Температурата во интервал од 11 до 16 степени.