Времето утре во Македонија ќе биде променливо облачно со сончеви периоди, а во крајните западни делови ќе има повремени локални врнежи од дожд. По котлините ќе има магла, но кон средината на денот ќе настапи извесно расејување на маглата. На повисоките места и на планините ќе биде потопло. Ќе дува слаб ветер од југоисточен правец.
Утринската температура ќе се движи од минус четири до два, а дневната од пет до 13 степени.
Во Скопје слично време, изутрина магливо и тивко, кон средината на денот ќе има извесно расејување на маглата која во ноќните часови повторно ќе се формира. Утринската температура ќе се спушти до минус два, а дневната ќе се искачи до пет степени.
Во наредните денови ќе се задржи променливо облачно време со сончеви период и со појава на магла по котлините и речните долини. Ќе има повремен слаб дожд кој ќе биде повеќе застапен во западните делови на земјава. В понеделник се очекува врнежите да се прошират насекаде и да бидат поинтензивни. Кон крајот на денот ќе поминуваат во снег на повисоките места и на планините.