Времето утре во Македонија ќе биде стабилно, суво и топло со мала до умерена облачност. Ќе дува умерен ветер претежно од североисточен правец, долж Повардарието повремено ќе засилува.
Утринската температура ќе се движи од осум до 17, а дневната од 26 до 33 степени.
Во Скопје времето ќе биде сончево и топло со мала до умерена облачност и со умерен ветер од североисточен правец. Утринската температура ќе се спушти до 14, а дневната ќе се искачи до 31 степен.
УВ-индексот ќе има вредност 7.
За време на викендот и во понеделник ќе преовладува сончево и топло време со мала до умерена локална облачност. Од вторник нашето подрачје ќе биде под влијание на влажен бран од Медитеранот од кој се очекува да наврнат поголеми количини на воден талог и значително опаѓање на температурата на воздухот.