Летото во Македонија и на северната хемисфера ќе почне утре во 00 часот 34 минути и 20 секунди. Во исто време на јужната полутопка на Земјата ќе настапи зимата.
Првиот летен ден e најдолг во годината и во Македонија ќе трае 15 часа и 14 минути. Сонцето во Скопје ќе изгрее во 4 часот и 58 минути, а ќе зајде во 20 часот и 12 минути.
Синоптичарите за утре најавуваат сончево и многу топло време со температути до 38 степени. УВ индексот ќе биде 8.
Летото ќе трае 93 дена, а ќе заврши на 22 септември во 17 часот и 22 минути, кога календарски започнува есента.