Времето утре претпладне во Македонија ќе биде сончево, а во попладневните часови во западните делови ќе има појава на мала до умерена локална облачност. Ќе дува умерен, повремено и засилен ветер од југоисточен правец.
Утринската температура ќе се движи од минус два до три, а дневната од 14 до 21 степен.
Во Скопје слично време, претежно сончево со мала до умерена облачност. Ќе дува умерен ветер од југоисточен правец. Утринската температура ќе се спушти до нула, а дневната ќе се искачи до 20 степени.
За време на викендот ќе преовладува сончево и топло време со мала до умерена облачност. Ќе дува умерен, повремено засилен југоисточен ветер. Од понеделник ќе преовладува променливо облачно време со повремени врнежи од дожд со променлив интензитет. На повисоките планини врнежите ќе бидат од снег. Повеќе врнежи се очекуваат во западните и јужните делови, особено во среда.