Времето утре во Македонија ќе биде сончево со мала до умерена облачност. Попладне ќе има услови за појава на дожд претежно во јужните планински региони. Ќе дува умерен северен ветер кој вдолж Повардарието повремено ќе засилува. Утринската температура ќе се движи од нула до седум, а дневната од 16 до 23 степени.
Во Скопје ќе биде сончево со мала до умерена облачност. Температура ќе се движи од пет до 21 степен.
До сабота ќе се задржи сончево време, попладне со зголемување на облачноста и со услови за краткотраен дожд претежно во планинските региони. Во сабота ќе има повеќе облачност и услови за појава на грмежи. Позначителен влажен бран се очекува да помине во недела и во понеделник и ќе биде проследен со умерени до повремено поројни врнежи од дожд. Во понеделник ќе дува умерен до засилен северен ветер кој позначително ќе ги спушти дневните температури.