Уште една кривична пријава за поранешниот градоначалник на Крива Паланка, се сомничи за градежни малверзации

Од:

Полицијата поднесе уште една во низата кривични пријави против поранешниот градоначалник на Крива Паланка, Арсенчо Алексовски, кој се сомничи за злоупотреба на службената должност при изведување градежни работи, во времето кога беше на чело на општината.

„Надворешната канцеларија за криминалистички работи Крива Паланка поднесе кривична пријава против Д.Н.(68), раководител на Одделението за урбанизам, сообраќај и заштита на животната средина во општина Крива Паланка, А.А.(59), поранешен градоначалник на Крива Паланка и А.А.(68), овластен градежен инспектор во општина Крива Паланка, поради постоење основи на сомнение за сторено кривично дело „злоупотреба на службена положба и овластување“.

Д.Н. изготвил решение со кое на друштво за телекомуникации од Скопје се одобрува изградба на линиска инфраструктурна градба за поставување на канали за телекомуникациски водови и оптички кабел во Крива Паланка, кои биле одобрени од А.А.(59), а се извршувале работи за измена на траса на веќе изградена градба на релација од граничен премин „Деве Баир“ до Граничен премин „Ќафасан“, со Одобрение за градење од Министерството за транспорт и врски на Република Северна Македонија, а не за нова градба,“ велат од полицијата.

„Со дејствието му овозможиле на инвеститорот да склучи договори со друг изведувач од Скопје за износ од 1.941.381 денари. По завршувањето на работите, од нарачателот на изведувачот биле исплатени само 865.198 денари од вкупниот износ, со што му била нанесена штета во износ од 1.076.183 денари. А.А.(68) на 22.09.2016, иако при инспекциски надзор констатирал дека новиот крак од објектот е поврзан на постоечкиот линиски инфраструктурен објект, писмено го известил Државниот инспекторат за градежништво и урбанизам Скопје дека инвеститорот ја поседува потребната техничка документација.

Пријавените, покрај нанесената штета на изведувачот, нанеле и штета на ЈП за Државни патишта со поставувањето на оптичкиот кабел на магистралниот пат Крива Паланка-Куманово и овозможиле на правно лице, сопственост на А.А.(59) да ги користи услугите од поставените канали за телекомуникациски водови и оптички кабел,“ велат од МВР.

Би можело да ве интересира

Нападнати три лица од Кратово во казино во Крива Паланка

А1он

Работник настрада по пад при изведување градежни работи во Гази Баба

Ана Ололовска

Царовска од Крива Паланка: Социјалниот дијалог даде резултати, 1400 ученици во дуално образование

А1он

Приведен скопјанец, во неговиот „мерцедес“ пронајдени тројца Кубанци

Во кумановско Табановце, пронајден мртов 20-годишен Сириец

Катерина Павлова-Николовска

Пронајдено телото на 84-годишен жител од кочанско по кој се трагаше четири дена

Мери Јордановска