Викендов, ќе се изведуваат градежни активности на крстосницата на улиците Александар Урдаревски и Боца Иванова, поради што сообраќајот ќе биде пренасочен на дел од кружниот тек, по улица Боца Иванова, кон гробиштата Бутел, со приклучување на патот Скопје – Бањани, а понатаму по улицата Александар Урдаревски, во двете насоки.
Автобусите од јавниот градски превоз, кои се движат на автобуските линии со број „8“, „57“, „47“, „47-А“, „61“ и „71“ ќе бидат пренасочени по улиците Александар Урдаревски, и Боца Иванова, кон гробишта Бутел, по улица Александар Урдаревски и продолжуваат по својата траса.
Автобусите од претходно посочените автобуски линии, истата траса ќе ја користат и во спротивна насока.