Убиена 46-годишна жена во Кочани, пред својата куќа – убиецот и нанел 40 убоди со нож

Од:

Со 40 убоди од нож, 59-годишен жител на Кочани ја убил 46 годишната сограѓанка. Убиството се случило рано утринава околу 6 часот пред домот на убиената жена.

Според информациите од СВР Штип, по кратка расправија, рано изутрината околу 6.15 часот во Кочани, У.Р.(59) со остар предмет ѝ нанел убодни рани на Т.М.(46), негова сограѓанка од Кочани, по што таа починала. Настанот се случил пред домот во Кочани, каде престојувала жената.

Смрт констатирал лекар од Итна медицинска помош Кочани, а увид извршиле екипа на ОВР Кочани и јавен обвинител по чија наредба телото на почината било дадено на обдукција.

Полициски службеници од Полициската станица Кочани го лишиле од слобода У.Р., соопшти СВР Штип.

Убиството го потврди и МВР.

-Денеска во Кочани, полициски службеници од Полициската станица Кочани го лишиле од слобода У.Р.(59) од Кочани. Тој се сомничи дека околу 6.15 часот, по претходна расправија пред домот во кој престојувала, со остар предмет и нанел убодни рани на Т.М.(46) од Кочани, која починала на местото на настанот. Смрт констатирал лекар од Итна медицинска помош Кочани, а увид извршиле екипа на ОВР Кочани и јавен обвинител по чија наредба телото на почината било дадено на обдукција. По целосно документирање на случајот против У.Р. ќе биде поднесена соодветна пријава, информираат од МВР.

Детали за мотивите и околностите на убиството, засега не се соопштуваат.

Би можело да ве интересира

Го нападнал и сечел со мачета, српски полицаец во критична состојба

Американка ги застрела и уби својот син (8), ќерка (6), сопругот со тумор на мозокот и себеси

Осуденикот од „Бардовци“ е осомничен за убиство на цимер од болницата

Ја избоде до смрт мајката на поранешната девојка

А1он

Обид за убиство во Охрид: Скопјанец со нож сакал да убие познаник

Млада жена се обидела да ја убие бабата на сопругот, поведена истрага