Претседателот на ДС, Павле Трајанов, ги демантира тврдењата дека општинскиот огранок на СДСМ во Виница поднел оставка од партијата и дека членовите се приклонуваат кон неговата партија, која е во коалиција со власта.
– Се појави таква информација, но не само за Виница, туку за сите градови од источна Македонија. Но тоа е дезинформација. Некој го објавил на фејсбук, а други го преземале. Ние како партија го демантираме тоа, а наскоро ќе пуштиме и соопштение до медиумите, вели Трајанов за А1On.
На прашањето што по оставките на првите луѓе во Владата и каков е планот на ДС како коалиционен партбер, тој одговори дека тоа е помалку важно во овој момент кога, рече, ќе следат поважни случувања.
Маја Васева