„Тиквеш“ го отвори првиот дигитален музеј во Македонија

Од:

По повод 130- годишната традиција во производство на вино, винарската визба „Тиквеш“ го отвори првиот дигитален музеј посветен на уметноста на создавање врвно вино во Македонија.

Дигиталниот музеј на „Тиквеш“ го сочинуваат фотографии и информации кои сведочат за големиот број значајни настани, луѓе, предмети и опрема за производство и консумација на вино, како и етикети, шишиња и примероци од вина кои се врежани во исклучително богатата историја на винарницата со најдолга традиција во Македонија и регионот.

Првиот дигитален музеј на виното во Македонија е поставен на интернет платформата Tumblr (Тамблр) која на посетителите им овозможува да објават и свои авторски фотографии од артефакти и настани кои на различен начин се поврзани со историјата на „Тиквеш“.

Елена Младеновска Јеленковиќ, маркетинг менаџер на ВВ „Тиквеш“, вели дека идејата за овој прв виртуелен музеј во земјава настанала спонтано, како резултат на нераскинливата врска што ја има „Тиквеш“ со долгата традиција на производство на вино во Македонија.

– Големото значење на „Тиквеш“ за развојот на домашната винска индустрија беше доволен мотив и предизвик за нас да ја започнеме оваа колекција на фотографии и информации што сведочат за уметноста на создавањето врвно вино на овие простори. Верувам дека голем број вљубеници во уметноста на правење и уживање во врвното вино, ќе ја збогатат колекцијата со тоа што ќе достават и свои фотографии кои сведочат за историјата на „Тиквеш“ и неговите вина, затоа што тие се составен дел од нашите животни радости“, вели Младеновска Јеленковиќ.

Содржините кои се дел од „Тиквешмузеј на вино“ се достапни преку интернет адресата:www.tikvesmuzej.mk.

Би можело да ве интересира

СДСМ: Промоција на македонските вина, храна и туризам преку Отворен Балкан

Македонско вино со хрватски етикети откриено од Европол и Интерпол кај хрватски производители

А1он

Штипската винарија „Имако“ викендов почнува со откуп на грозје

Татјана Ташкова

НФФ бара „вранецот“ да се откупува за 17, а „смедеревката“ за 16 денари по килограм

А1он

МЗШВ: Македонските вина можат да се промовираат во Хрватска, надминат е проблемот за пласман на пазарот

Фестивал на младо вино во „Тиквеш“

Ана Ололовска