Безживотно тело на средовечен маж попладнево е пронајдено во водите на Охридското Езеро во близина на брегот, соопшти полицијата. Случајни минувачи кои го забележале телото на самиот кеј „Македонија“, пријавиле во полиција.
На местото се излезени екипи на крим-техника на СВР Охрид, како и екипа на Службата за итна медицинска помош која ја констатирала смртта, соопшти полицијата.
Станува збор за лицето С. Ј. на 49-годишна возраст од Охрид, a причините за настапувањето на смртта ќе ги утврди обдукцијата.