Лидерот на Демократската Партија на Албаниците, Мендух Тачи, го поддржа ставот на ДУИ за блокирање на донесувањето на закон за посебни права на бранителите и изјави дека е подготвен да им помогне на ДУИ да се спречи донесувањето на како што тој вели, овој лош закон.
Тачи по состанокот што се одржа во американската амбасада со заменик помошник државниот секретар на САД, Филип Рикер, изјави дека доколку ДУИ верува дека преку предвремените парламентарни избори ќе се спречи донесувањето на овој закон, тој рече дека е подготвен да седне разговара со Ахмети за ова прашање.
„Јас сериозно ќе го поддржам ДУИ во обидот да се спречи спроведувањето на овој сериозно лош закон“, рече Мендух Тачи, лидер на ДПА.