Црвениот крст на Република Македонија денеска ќе го одбележи Светскиот ден на волонтерството – 5 декември и на свеченост напладне во Музејот на македонската борба ќе додели волонтерски награди.
Покрај претставници од Црвениот крст и од Министерството за труд и социјална политика, ќе учествуваат и јавни личности како позитивни примери кои го практикуваат и поддржуваат волонтерството и хуманитарните активности.
Светскиот ден на волонтерството ќе го одбележат и невладините организации „Уметност на живеење Македонија”, „СУНА – Скопје” и „Арт лајф” преку „Коалиција Боите на животот” со повик до заинтересирани граѓани и организации да се приклучат кон глобалната акција за волонтерство во разни сфери во општеството.
Тие организираат акција за донација на храна и засолнување на бездомни животни. Акцијата ќе почне во 16 часот на паркингот пред ТЦ Рамстор.