Судењето за „Тврдина 2“ во кое првообвинет е екс началникот на УБК, Горан Грујевски е доложено за 3. јули бидејќи за денеска не беа повикани сведоците на Специјалното јавно обвинителство.
Претходно, адвокатите на одбраната побараа да биде отстранета јавноста бидејќи според нив, државна тајна било кој на која функција се наоѓа во Управата за безбедност и контраразузнавање.
Според обвинителот на СЈО, Љубомир Лапе, сите барани документи од УБК се добиени.
-Ни претставува задоволство што по повеќе од една година имавме можност да дадеме воведни зборови со кратко изнесување на содржината на обвинителниот предлог, имавме прилика да го слушнеме произнесувањето на обвинетите, рочиштето ќе продолжи со произнесување на сведоците, рече Лапе.