За 19 декември е закажано судењето за предметот „Тарифа“ на Специјалното јавно обвинителство за набавка на софтвер за ЕЛЕМ, соопшти денеска кривичниот суд.
Предметот, согласно со електронскиот систем, е распределен кај судијката Верка Петковска, а главната расправа е закажана за во 09:30 часот, за кога се испратени и покани до странките.
Во предметот „Тарифа“ обвинети се три лица кои се товарат дека преку злоупотреба на службената положба и овластување набавиле софтверски систем за потребите на државната компанија Електрани на Македонија (ЕЛЕМ) кој не бил имплементиран.