Цел ден измина, а Зоран Заев и СДСМ директно не се оградија од деталите напишани и опишани во бугарските медиуми, а се однесуваат на средбите на Заев во Софија. Ниту директно и прецизно не се оградија од прецизните описи за понудена формула од Заев „ист јазик – меѓународно признати македонскиот и бугарскиот како два јазици“ рече на прес конференција портпаротлот на ВМРО-ДПМНЕ Наум стоилковски.
„Ова е срамно. Доколку Заев директно не се огради од формулациите детално опишани во бугарските весници, но и ако тоа што го пишуваат таму е вистина, тогаш Заев безочно ја лажел јавноста и тоа е потврда дека директно преговара и на маса ја става посебноста на македонскиот јазик што е директно подривање на македонскиот идентитет и посебност“ – рече Стоилковски.
Тој уште вели и дека доколку Заев директно не се огради од наводите, Заев молкум пред македонската јавност ја прифаќа негаторската теза дека македонскиот и бугарскиот се исти јазици, односно дека се до кодификацијата на македонскиот јазик во 1945 година, македонскиот јазик бил форма или дијалект на бугарскиот јазик.