Градоначалникот на Карпош, Стевчо Јакимовски, објави дека е позитивен на коронавирусот. Тој информирацијата ја сподели со јавноста преку неговиот Фејсбук профил.
„Иако ги почитуваме сите протоколи, како општинска администрација не можеме комплетно да се изолираме и да ги занемариме проблемите на граѓаните, па вирусот не нѐ заобиколи.
Ве замолувам сите кои бевте во контакт со мене овие денови да бидете совесни, да ги следите протоколите за самоизолација и да ги превземете сите потребни мерки“, вели Јакимовски.
Тој вели дека и покрај позитивниот резултат на вирусот, се чувствува добро и се надева дека за брзо ќе се врати на обврските во Општина Карпош.
