Српската амбасадорка го посети Куманово

Од:

Амбасадорката на Србија Душанка Дивјак Томиќ и сопруги на повеќе амбасадори во државава, денеска ја посетија општина Куманово и остварија средба со градоначалникот Зоран Дамјановски.

Средбата ја иницира невладината организација „Macedonia Welcome Centre”, а Дамјановски информираше за специфичностите на општината, меѓуетничкиот соживот, културните понуди и можностите за економскиот развој на општината.

– Оваа е добра иницијатива која треба да продолжи и во иднина. Очекуваме здружението да издаде водич кој ќе биде поддржан од општините и на тој начин ќе ја доближиме картата на  Македонија до земјите пријатели, рече Дамјановски.

Агендата на „Macedonia Welcome Centre” е промоција на Македонија кај странците кои живеат и престојуваат во државава, дипломатите, невладиниот сектор, бизнис заедницата.

– Веќе 4-5 години успешно работиме, претставувајќи линк меѓу дипломатите во Македонија и локалното население. Многу често соработуваме со општините со цел нивна промоција, истакна претседателката на здружението Емилија Миладинова Аврамчева.

Амбасадорката Дивјак Томиќ потенцира дека Куманово е мошне атрактивно и има што да понуди на посетителите.

Гостите ги посетија црквите во Куманово, но и стопанските капацитети на подрачјето на општината.

Би можело да ве интересира

Кумановка дома чувала дрога, полицијата ја уапси

Жарко Настоски

По Берлин, Османи ја продолжува дипломатската турнеја во Копенхаген и Стокхолм

Ана Ололовска

Велигденска пресметка во Куманово, „играле“ пиштоли и ножеви

Жарко Настоски

Посетата на Османи на Германија била „интензивна“, се сретнал со „значајни соговорници“

Жарко Настоски

Османи на нова европска турнеја во посета на Берлин, Копенхаген и Стокхолм

Ана Ололовска

Дваесет години од Основниот политички договор меѓу Македонија и Романија

Ана Ололовска

Leave a Comment

14 − five =