Претседателот на ВМРО-ДПМНЕ, Никола Груевски денес оствари средба со амбасадорите на САД, држави членки на Европската Унија и НАТО во Република Македонија, информираа од партијата.
На средбата се разговарало за изборната кампања за локалните избори и нејзиниот тек.
Од страна на ВМРО-ДПМНЕ било посочено дека во текот на кампањата се забележени низа прекршувања на изборниот процес, физички инциденти, демолирања на штабови, како и злоупотреба на државните ресурси во партиски цели и била истакната потребата од спроведување на фер и демократски избори, за што е потребен зголемен ангажман на државните институции.
– ВМРО-ДПМНЕ ќе остане посветена во заложбата за спроведување на фер и демократски избори и создавање на демократски амбиент за сите учесници во изборниот процес. Неминовно е власта да престане со злоупотребите на државните институции, со цел запазување на демократијата, велат од опозициската партија. и додаваат дека престојните локални избори мора да бидат по највисоки стандарди, со цел Македонија да продолжи да чекори по патот кон ЕУ и НАТО.
