Вчера граѓани спонтано се собраа пред куќата на монструмот кој го уби кучето Идриз. Грозоморното злосторство не смееме да дозволиме да помине без максимална казна за свирепиот убиец.
Граѓаните оставаа пораки на местото каде што беше брутално убиен Идриз, а и ја нацртаа неговата контура пред домот на монструмот.
Злоупотребата и дивјачкото убивање на животните се сериозни сигнали за закана по општата безбедност на граѓаните. Таквите лица не смее да се шетаат на слобода. Тие денес може да убијат куче, но утре може да убијат и човек, се вели во соопштението на Здружението за заштита на животните и животната средина ЕДЕН.