Спасовски нема да има функција во техничката влада, му честиташе на Бојмацалиев кој ќе биде дополнителен заменик во МВР

Од:

Министерот за внатрешни работи Оливер Спасовски, кој не е меѓу кадрите кои СДСМ вечерва на Централен обор ги избра за членови во техничката влада, му честиташе на неговиот Шеф на кабинет Митко Бојмацалиев, кој ќе биде дополнителен заменик министер во МВР, министерство кое согласно закон, треба да го преземе ВМРО-ДПМНЕ во техничката влада.

„На денешната седница Централниот одбор на СДСМ донесе повеќе одлуки и заклучоци за обезбедување на европската иднина на Северна Македонија. Врз основа на статутарните надлежности, како членови на Централниот одбор донесовме Одлука за утврдување на кандидати за Министри, Заменици министри и Дополнителни заменици министри во Техничката влада од редовите на СДСМ. Честитки за изборот на моите сопартијци, верувам дека заедно ќе оствариме голема победа на Европскиот фронт. Искрени честитки до мојот актуелен Шеф на Кабинет во МВР, Митко Бојмацалиев, кој со досегашниот придонес во трансформацијата на „МВР за граѓаните” веќе се етаблираше како столб на МВР. Убеден сум дека со него како дополнителен заменик министер за внатрешни работи – МВР останува во сигурни раце. Воедно, донесена е Одлука за свикување на Дваесет и седмиот Конгрес на СДСМ за утврдување на кандидат на СДСМ за Претседател на Македонија како и Одлука за свикување на Дваесет и осмиот Конгрес на СДСМ за утврдување на кандидати за пратеници на СДСМ во Собранието за парламентарните избори во 2024 година“, напиша Спасовски на Фејсбук.

Би можело да ве интересира

(ВИДЕО) Шукова: Четири години разочарувања, секоја улицa, секое маало, сведочи за неуспехот на ВМРО-ДПМНЕ во Скопје

(ВИДЕО) Кузеска: Локалната власт на ВМРО-ДПМНЕ е најнеспособна и најкорумпирана досега

(ВИДЕО) Куновски: Четири години битолчани се сведоци на недомаќинлук, аздисаност и лицемерие

Кандидатите на претстојните локални избори ќе можат да се рекламираат на 329 медиуми во државата

На овие избори во најголемиот дел работите ќе се решат уште во првиот круг, вели Мицкоски

Горан Наумовски

(ВИДЕО) Кузеска: Општините предводени од ВМРО-ДПМНЕ се претворија во епицентар на тендерски шеми и партиски злоупотреби на народните пари