Спасовски: Граѓаните не можат да извадат лични карти затоа што опозицијата го блокира законот со 1.500 амандмани

Од:

Околу 15,5 илјади граѓани не можат да си ги подигнат личните карти, поради тоа што Законот за личните карти е блокиран во Собранието. Ние неколкупати инсистиравме во однос на ова законско решение да се донесе, но тоа е блокирано со над 1.500 амандмани поднесени од опозицијата, рече министерот за внатрешни работи, Оливер Спасовски.

Одговарајќи на пратеничко прашање во однос на проблемот со издавањето лични карти, Спасовски посочи дека станувало збор за надградба на систем, но од 1 јули целиот систем е целосно во функција, во однос на земање на податоци и издавање на лични документи.

Тој вели дека Министерството преку Владата уште во март го има доставено Законот за лична карта во Собрание, се со цел да може да ги помине собраниски процедури и да можеме да почнеме со примена на ова законско решение од 1 јули 2021.

-Ние неколкупати инситиравме во однос на ова зкаонско решение да се донесе. Факт е дека имаме блокада на носење на законско решение, но тоа не е ниту моја работа ниту на Владата, туку на Собранието. Кога говориме за блокада, јас ги побарав податоците, вкупно 1.507 амандамни се поднесени на законското решение, посочи Спасовски, додавајќи дека 1.506 од тие амандмани ги поднела опозицијата.

Според него, случајот со ова законско решение не кажува ништо друго освен тоа дека од 1 јули треба да се применува уставното име на државата и да се применуваат одредбите од законот за јазиците, односно сите заедници што живеат во државата имаат право на личен документ на сопствен јазик.

-Ние досега ги дававме термините на граѓани кои бараат издавање на лична карта. МВР целата процедура ја завршува, значи граѓаните одат, можат да се сликаат за лична карта, но не смее да започне производството се додека Закон не биде на сила, рече Спасовски.

Тој посочи дека бројот на граѓани кои бараат издавање на лични документи се зголемува, и испрати апел до сите пратеници без разлика дали се од парламенто мнозинство или од опозиција, да го донесат ова законско решение.

Би можело да ве интересира

Кривична пријава за членка на Судски совет, 15 пати зела парти за превоз, а ќерка и имала стан во Скопје

Катерина Ѓуровски

МВР: Од 12 октомври нов систем за влез/излез од ЕУ, со што сè треба да се подготват патниците

Горан Наумовски

Пијаните возачи ќе одговараат кривично, заострување на казните

Ги нападнале овчарски кучиња, се качиле на столб за мобилна телефонија – спасени белгиски планинари во Ценар Жупа

Катерина Ѓуровски

ДУИ: Еднојазичните униформи не се само облека

Руското МВР тврди: Регистрирани се 10 обиди за терористички напади за време на локалните избори