Советот на амбсадори: Изборите во фер атмосфера со почитување на протоколите

Од:

Советот на амбасадори укажува дека претстојните парламентарни избори чија предизборна кампања веќе започна за кои мора да постои јасен и неутрален мониторинг, ќе треба да се одржат во слободна и фер атмосфера со почит и спроведување на задолжителните здравствени протоколи, наведува Советот во соопштение.

– На тој начин, во европски дух ќе покажеме дека зачекоруваме во демократски амбиент. Ова е неопходно за до крајот на оваа година после формирањето на нов парламент и влада да манифестираме единствен настап кон ЕУ во очекување на старт на преговори ослободени од национализам и тесно партиски калкулации, а со вистинско расчистување на бројни проблеми во правосудниот систем заради чие недоволно ангажирање и поврзување со државни структури опстоија криминалот, корупцијата како голема кочница за развивање на економскиот систем без кој нема никаков напредок и државата нема иднина, оценува Советот.

Советот, како што се посочува во соопштението, со ваков однос, е во очекување на позитивни вести за датумот односно преговарачката рамка и како пакетот за проширување наше е да работиме и да покажеме дека навистина припаѓаме кон евроатлантските интегративни процеси.

Натаму Советот наведува дека развојот и брзото проширување на пандемијата предизвикана со коронавирусот во речиси сите земји на светот последниве денови се одрази во поагресивна форма и кај нас предизвикувајќи реално и здравствена криза.

– Советот и во оваа прилика нагласува дека надлежните државни институции сеуште немаат јасна визија во борбата против Ковид-19 и смета дека најголемиот товар и понатаму падна врз здравствените работници кои се истакнуваат со нивното професионално соочување и на кои Советот им дава посебна почит, додека од друга страна сеуште постои доза на потценување на проблемот од страна на граѓаните и верските институции, стои во соопштението.

Се додава дека статистичките податоци кои се и натаму загрижувачки од повеќе аспекти, укажуваат на потреба за единство во оваа компликувана ситуација и мудро однесување на сите граѓани, верските лидери а особено на политичките фактори кои се во партиските структури кои пак се подготвуват за веќе закажаните предвремни избори за идниот месец на 15 јули.

Би можело да ве интересира

Осуда од Советот на амбасадори на терористичкиот напад во Москва

Филипов: Одлуката на ЕУ за Украина треба да биде отрезнувачка, ние не треба самите да си ставаме сопки

Совет на амбасадори: Осудуваме испади и насилство чија цел е дестабилизација на земјата

Советот на амбасадори ја поздравува силната поддршка на САД за брза евроинтеграција на земјава

А1он

Совет на Амбасадори: Северна Македонија непотребно стана дел на предизборната кампања во Бугарија

А1он

Совет на амбасадори: Политичките партии да го стават фокусот на зајакнување на институциите, а не на организирање чести избори

А1он