Совет на Амбасадори: Северна Македонија непотребно стана дел на предизборната кампања во Бугарија

Од:

Следејќи ги политичките настани во Република Бугарија за време на парламентарните и претседателски избори изминатиот викенд, здружението за надворешна и меѓународна политика „Совет на Амбасадори” со жалење констатира дека Република Северна Македонија непотребно стана дел на предизборната кампања во оваа соседна и пријателска земја.

Советот на Амбасадори, како што стои во денешното соопштение, со разочарување ја прими најавата на Министерството за надворешни работи на Република Бугарија, како и изјавата на министерот Светлан Стоев, дадена на состанокот со амбасадорите на земјите членки на ЕУ и претставникот на Европската Унија во Софија, дека Бугарија нема да поддржи почеток на преговорите на Северна Македонија за членство во Европската Унија, во декември оваа година.

– Совет на Амбасадори смета дека ваквото постапување од Република Бугарија не е во насока на напорите на Јозеф Борел, високиот претставник за надворешна политика на ЕУ, на земјите членки на Унијата и на Стејт Департментот на САД, за час поскоро одржување на првата меѓувладина конференција ЕУ-Северна Македонија, се наведува во соопштението.

Советот на Амбасадори оценува дека оваа најава е особено неповолна и опасна во време кога земјите на Западниот Балкан се соочуваат со закани по безбедноста на регионот, со влошување на епидемиолошката состојба со Ковид-19, и со енергетска криза.

Советот се надева дека и покрај овие најави, државните чинители на Бугарија ќе смогнат сили, на Самитот на ЕУ во декември, да и го отворат патот на Република Северна Македонија кон побрзо интегрирање во Европската Унија.

Би можело да ве интересира

Нов земјотрес ја стресе Бугарија

Бугарија оди на нови избори

Осуда од Советот на амбасадори на терористичкиот напад во Москва

Во Бугарија не е постигнат договор за нова влада

Почина бугарскиот патријарх Неофит

Почнува мешањето во претседателските избори: „Пендаровски и објави војна на Бугарија“, на амбасадорката врачен протест

Александар Тодески