Најмногу снег утрово беше измерено во Лазарополе четири сантиметри, додека најстудено беше во Берово и Петровец каде што беа измерени -4 степени. Низ државава времето е ведро и студено, а во североисточниот дел има слаб ветер од променлив правец.
Во Маврово снежната покривка изнесува 2 сантиметри, а минималните температури се движат од -3 степени во Струмица, Демир Капија и Тетово, -2 во Куманово, Скопје, Прилеп, Битола, Штип и Гевгелија, -1 во Крива Паланка и Лазарополе, додека во Охрид, Маврово и Претор се измерени 0 степени. Позитивни температури имаше во Пожаране и Виница 1 степен, а во Крушево, Ѓуриште, Тополчани и Дојран два степена Целзиусови.
Денеска времето ќе биде сончево и релативно топло со мала облачност. Ќе дува слаб ветер, а во источните делови умерен југоисточен ветер.
Максималните температури ќе се движат од 8 до 15 степени.
Во Скопје ќе биде сончево со мала до умерена облачност и слаб до умерен југоисточен ветер, а температурата ќе се искачи до 9 степени.
Во периодот кој следува не очекува стабилно и суво време, претежно со слаб јужен ветер. Температурите ќе бидат над просекот за овој период во поголем дел од земјава, што ќе предизвика топење на снежната покривка.
Од утре ќе има умерена до значителна облачност, а по котлините можност за појава на магла и ниска облачност, така што дневните температури на овие места ќе останат пониски.
Локални врнежи од дожд се очекуваат од среда.