Во Македонија денеска ќе преовладува сончево време со умерена облачност која преку ден ќе се намалува. Претпладне во јужните денови сеуште ќе има услови за слаб локален дожд. Ќе дува слаб, а во источните делови по должината на Повардарието умерен ветер од северозападен правец.
Утринската температура ќе се движи од минус два до пет, а дневната од пет до 11 степени.
Во Скопје слично време со слаб до умерен северен ветер. Утринската температура ќе се спушти до еден, а дневната ќе достигне до осмиот степен.
Слаби локални врнежи од дожд и снег се очекуваат во четврток во вечерните часови и во петок претпладне, а температурите ќе бидат во опаѓање. Во деновите од викендот се очекува постудено време со пониски дневни температури, а утринските во поголем дел од земјата ќе бидат негативни.