Времето во Македонија ќе биде претежно сончево и доста топло со слаб до умерен ветер од југоисточен правец. Во попладневните часови ќе има локално зголемување на облачноста и услови за изолирана појава на краткотраен пороен дожд со грмежи, кои повеќе ќе бидат изразени во западната половина на земјава. Ќе продолжи да дува слаб до умерен ветер од југоисточен правец.
Утринската температура во земјата ќе биде во интервалот од 14 до 21 степен, а највисоката се очекува да достигне од 31 до 38 степени. УВ индексот ќе има вредност 9.
Во Охридско-Преспанскиот регион температурата на воздухот ќе достигне до 32 степени, а во Дојранскиот регион до 38 степени.
Во Скопје ќе биде сончево и доста топло. Попладне со мала до умерена локална обчлачност, но и со услови за изолирана појава на краткотраен дожд со ретки грмежи, како и со слаб до умерен ветер од југоисточен правец.
Утринската температура ќе се спушти до околу 21, а највисоката дневна ќе достигне до 38 степени.
Времето во наредните денови ќе биде сончево и многу топло. Во попладневните часови ќе има извесно зголемување на облачноста која наместа ќе биде проследена со краткотраен локален пороен дожд и ретки грмежи. Повеќе услови за дожд ќе има во западните планински предели.