Сојузот на воени инвалиди повика на илинденски собир во Кривопаланечкото село Трново

Од:

Големиот државен празник Илинден, 2 август и голем христијански празник, кога православните верници го чествуваат Свети Илија, ќе биде прославен и во селот Трново, во дворот на некогашното старо училиште, кое сега е одморалиште од отворен тип.

-Стариот руиниран објект, училишна зграда која беше дотраена и оставена на забот на времето, го реновиравме и сменивме до непрепознатливост, со цел создавање услови за развој на алтернативен, селски туризам во недопрената природа на Осоговието. Иако не се финализирани сите градежни акативности, утрешнито голем празник, Св. Илија, повикувам сите граѓани на Крива Паланка, регионот и пошироко, да ги прославиме овде заедно. Да ја искористиме убавата селска идила, на горештините да го возобновиме и омасовиме собирот кој овде се одржувал во минатото, рече Ѓоко Трајковски, управител на одморалиштето „Трновски ветар“.

Порача сите Македонци да се навратат кон корените, традицијата, да ги зачуваме трајните вредности кои не одржале да опстоиме низ вековите.

-Овој објект е изграден со многу посветеност, со цел да се сочуваат од заборав местата каде се образувале нашите предци. Од училиште, центар на образование, овој објект денес може да прерасне во место каде ќе се слави убавината на земјата Македонска, со природа обдарена со свеж планиснки воздух, билки и плодна почва, додаде Трајковски.

Одморалиштето се наоѓа на петстотини метри оддалеченост од манастирот свети Никола, во селото. Располага со капациет од триесетина легла, со бројни тремови во природа за сите кои сакаат да кампуваат на отворен простор. Рече дека обезбедена е вода за пиење од сопствена бушотина, испитана од страна на Минситерство за животна средина и просторно планирање и Центар за јавно здравје.

Утре, во склоп на собирот, ќе се одржи и традиционалнаат крводарителска акција.

Објектот е реновиран со средства од над педесет илјади евра, а истиот општина Крива Паланка го додели на стопанисување од 20 години на Сојузот на воени инвалиди на Македонија.

Би можело да ве интересира

Пуштен патот Крива Паланка -Деве Баир, Николовски најави повеќе нови проекти

Предраг Петровиќ

Наум Поцев го фати чесниот крст од водите на Крива Река

А1он

Селото Дренак во кривопаланечко десетина дена е отсечено поради снегот

Седумдесет и шестгодишен жител на Крива Паланка убиен во неговиот дом

А1он

Голем пожар на градската депонија во Крива Паланка

Изведба на проектот „Реобмислување – филм, музика и поезија” во Крива Паланка