Со механизација се работи на санирање на состојбата со дивата депонија кај Струга

Од:

Механизација на повеќе компании и јавни претпријатија од Струга и регионот интензивно работи на санирање на состојбата со дивата депонија кај Струга, во обид да се изгасне пожарот и да се обезбеди пристап на противпожарните возила до самата локација.

Вршителот на должноста градоначалник на Струга Забзун Мустафа денеска изјави дека неколку градежни компании со механизација се вклучени во активностите за санирање на последиците од опожарувањето на депонијата, изразувајќи очекување за кусо време да биде санирана состојбата.

– Се работи со сета расположива механизација и очекуваме за кусо време да се стават работите во некаков ред. Во оваа фаза проблематично е гаснење на пожарот со вода, така што засега се работи на гаснење на пожарот со тампонирање на депонијата. Следната фаза предвидува поставување хумус врз локацијата и озеленување на депонијата. Како општина депонијата ќе ја конзервираме, а отпадот потоа ќе се одлага на друго место, подалеку од градот, рече тој.

Конечното решение за проблемот со одлагањето и третманот на отпад од Струга и околината ќе се бара во изградба на регонална депонија, чија изградба би се реализирала во соработка со приватни инвестотори или пак преку озбезбедување средства од претпристапните фондови на Европската унија.

Граѓаните на Струга организирани во повеќе граѓански иницијативи изминатиот период одржаа неколку протести за итно решавање на проблемот со дивата депонија лоцирана во непосредна близина на градот.

Активистите на Граѓанската иницијатива „Доста е“ нагласуваат дека депонијата веќе десетина години е извор на загадување и причина за тешки заболувања кај граѓаните на Струга и околните места, со тврдење дека нивниот број е во пораст.

Би можело да ве интересира

Албанската полиција спречи обид за шверц на марихуана која требало да биде префрлена преку македонската граница кај Струга

Ландов

Гори депонијата кај струмичкото село Добрашинци, огнот се шири кон езерото Турија

А1он

Еко-активистите ѝ дозволија само на општина Гостивар да носи смет на депонијата Русино

А1он

Изминатата седмица во Охрид и Дебар по 16, во Струга 48 потврдени случаи на Ковид-19

А1он

ВИДЕО: Голем пожар над Арачиново, гори селската депонија

А1он

Таравари: Гостивар ќе ја спушти рампата на депонијата „Русино“, за нејзината иднина не е исклучен и референдум

А1он